مش هاعمل مقدمة عشان ابين انا مين و لا موقفى من الثورة – اللى هايقرالى و ينقل رسالتى اكيد عارف عنى ما يكفى!
مبادئ اود ان ارسيها قبل بدء الهذى اللى هاهذيه:
1- تكرار الاحداث فى نفس الظروف تؤدى الى نفس النتائج (اللى عراف منكم حكاية الدبانة اللى كانت بتحاول تخرج من الشباك و كل شوية تخبط و قعدت تكرر المحاولة عشرات المرات و برضه كانت بتخبط- لكن لو فكرت تغير زاوية الخروج كانت هاتلاقى الضلفة التانية مفتوحة)
2- اى فعل يفعله الانسان يرجو منه هدف واضح و غير ذلك عبث
3- كلنا بنحب مصر و كله شايف الخير من زاويته (كلنا عايزين نظبط زواية)
4- الفضل لاى شيء من قبل و من بعد لله- و الله عدل.
رسالة الى الثوار:
1- عندكم حق – غضبكم مبرر- بل الجنون فى هذه اللحظة مبرر –
و لكن تعتصمون ضد الجيش – و تشبتكون مع الجيش و تختصمونه امام اعوانه و ترجون عدلا؟؟؟؟؟
و تعتصمون راجين حق الشهداء – فهانجيبه من مين؟…..من الجيش؟!!!
الجيش جاب حقنا من الرئيس؟ من الامن؟ من القناصة ؟من ماسبيرو؟ من الطرف (ام) الثالث؟
و كل مرة يسقط شهداء اكثر و نطلب من مين حقهم؟ الجيش؟!!!!
و الجيش يدى امر للوزراء يعالجوا الاطهار اصحاب العاهات –فى مستشفيات الجيش؟!!!
و يؤمر رئيس الوزرا يرميلنا مجلس للشهداءو المصابين ( عشان فى اكثر جى فى السكة )
و الجيش مش عايزينه – فنجيب مين؟ حكومة انقاذ وطنى ؟؟؟ مش هايجييب!!!! و شعبكم الطيب النقى دماغه تعبانة و هايصدق كل حاجة المجلس يقولها و هى قربة و هاتخر على صاحبها – و افلح ان صدق الجنزورى
– متخيلين ان الجيش مع الثورة ؟؟
– متخيلين انه مش عايز ياسس للنظام القديم تانى ؟؟؟
– متخيلين انه متضايق من الفيديوهات و الصور اللى بتصور انتهاكاته؟؟!! (تبقوا غلطانيين- دى رسالة تشفى غل احنا اسفين يا ريس و الاغلبية الصامتة اللى حاليا مش طايقة الثوار- و تضمنلهم اصواتهم لو عملوا استفتااااء و اكرر استفتااااء- و رسالة تخوف عدوهم الخارجى برضه- و رسالة تخوف الثائرات و العائلات عشان يلموا بناتهم فيستفردوا بالرجالة)
– الجيش عايزكم معتمصين عشان ينظم اشتباكات متواصلة لتكبر و تتطور و تخرج منها فيديوهات و صور تزيد من المشهد دراما و تزيد الخوف و الرعب فى قلوب من هم ليسوا فالتحرير مع اطلاق شائعات بالتمويل مع اظهار النخب و الاحزاب المنتخبة بصورة الصامت المتخاذل او المندفع وراء الثوار و هكذا يظهر هو الحاكم القوى اللى هايشكم الناس دى كلها- و حتى لو المخطط كله ماكتملش – انتم امام الناس جميعا- حتى كثير من الثوار (و ان كنت معكم قلبا و قالبا) العقبة امام العجلة، امام الديمقراطية امام الاستقرار الخ الخ الخ
– من الواضح ان هناك من لا يريد الانتخابات تستكمل و قد يكون هو المجلس نفسه : احداث محمد محمود – بس كانت باينة حبيتين فقالوا هانعمل انتخابات- و بعديها بهدلة القضاة و السفالة اللى حصلتلهم – و كانوا ينتظرو ا ان يعزف القضاء عشان كرامتهم و ده حصل – بس مجموعة منهم قالوا لأ ماينفعش يلزقوها فينا و يقولوا القضاة هو اللى وقف الانتخابات ( و ده يرجع لخبرتهم) بس الثوار شربوها – شربناها بالهنا و الشفة و هيلبسهالنا – انسحبوا الان انسحبوا و عرافين ساعتها هايعملوا ايه؟
– هايعملوا فتنة طائفية – هايلموا الثوار من بيوتهم – هايغتالوا كام رمز – اى حاجة عشان تعمل فوضى
و الناس تنفعل و تنزل – بس ساعتها امام الكنب و الاغلبية بتاعة الاستفتاء هاتتفتت تعاطفا و رفضا و ساعتها الثورة الحقيقية هاتقوم
– خلوهم يكملوا الانتخابات عشان وجود مجلس اى كان قوة ضاربة و شرعية و موقف ارتكاز نستطيع ان ننطلق منه الى عدة خياراااااااااااااااااااااااااااااااااااااااااااااااات
– انسحبوا و لكم مطلب واحد: ان يحقق الجيش و يجيييييب الطرف الثالث! و مش هايجيب بس هايبقى عندكم شيئ جيد يفتكرهولكم الكنب – اطلعوا فى كل التليفزيونات و اطلبوا من الجيش الطرف الثالث اللى هايودى البلد فى داهية
– كفاناااااااااااااااااااااااا عبث – بيلبسونا ام السلطانية و احنا عمالين نكبسها
انسحبواااااااااااااااااااااااااااااااااااااااا
الانسحااااب تكتيك لكشفهم امام الجميع و ليس نتييييييييجة
رسالة الى المجلس:
– احب ان اذكرك بقول الله تعالى “يمكرون و يمكر الله و الله خير الماكرين” صدق الله العظيم
– حسبنا الله و نعم الوكيل و ربنا قد يمهل و لكن لن يهمل
– تاريخك فى مهب الريح
– عد الى رشدك و عقيدتك
– الحقيقى انت بطل فيلم تشويه صورتك و التى ستنقلب بغير ما ترجوه انت
– كله حتى حزب الكنب يعلم انك لو عايز توقف ده هاتوقف –( ده معناه انهم عارفين ان انت السبب)
– لم تفت الفرصة بعد و الله لم تفت تستطيع ان تكون بطل- و تستطيع ان تنقذ ما تبقى من صورة ذهنية محترمة
– اشفق عليك و الله اشششششفق عليك من كم الدماء اللى لطخت خوزتك –دم مصرى ودم نقى – دم شيوخ و دم اطفال- عرض سيدات و بنات هما كانوا السبب فى انتصارك فى 73 و هما الشعب – درعكككك امام العدو هو الشعب اللى انت وجدت لتدافع عنه – هو الشعب اللى ولاده هايبقوا من جنودك و يقفوا على حدودك عشان لما العدو يصحى مزاجه متعكر يرميه برصاصاتين و انت تعمل نفسك مش واخد بالك (ده كان نمط فعلك طوال 30 سنة)
– متى ستعمل كجيش نظامى محترم- يعلى القانون – مش بلطجى و مجرم شوارع تحارب بالبلطجية اللى بتحميهم على اسطح ومؤسسات الدولة الشرعية و كانك تريد ان تقول ان هذا هو حالمصر- متى يتقبض على الخارجين عن القانون و بدل من ان تخطفهم
تديلهم علقة موت و تسحلهم و ترميهم عشان يبقوا عبرة زى بلطجية الحوارى ان لم تكن مثل و قدوة؟!!!!-
ماذا تنتطر اذن من شباب ثائر و ييفرق بينك و بينهم عمر ة خبر و حنكة؟؟؟؟؟؟؟؟؟
اين جيش مصر ؟؟؟؟؟؟؟؟
! ايها الجيش العظيم ممكن اعرفك على شعب اعظم منك – شعب مصر اللى قام يثورة 25 يناير!
رسالة الى حزب الكنبة و الاغلبية الصامتة
– ربنا ادالكم عقل- استخدموه – و بلاش عند
– ربنا ادالكم عيون استخدموها – بلاش عمى (حرارة و مالك فقدوا بصرهم عشان كرامتهم والان هم اكثر بصرا منكم)
– ربنا ادالكم قلوب – استفتوها و بلاش كفر
– ربنا ادالكم ضمير – حكموه و بلاش ظلم
و لو لم تفعلوا لترون الجحيم على الارض من ظلمكم و جهلكم و سلبيتكم و لتذوقن مرارة الدم و الظلم و الفقر و الجوع و كل ما تجلوه
فوق الكرامة و العدل- لان الله عدل.
رسالة الى الشعب :
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ” قَالَ رَبُّكُمْ عَزَّ وَجَلَّ :و عزتي وجلالي لأنتقمن من الظالم في عاجله و آجله..
و لأنتقمن ممن رأي مظلوما فقدر أن ينصره فلم ينصره ..
وعزتي وجلالي لأدبرن الأمر لمن لا حيلة له حتى يتعجب أصحاب الحيل”
تعريف حزب الكنبة: اللى مابينزلوش و مابيشوفوش و خايفين يسيبوا الكنب و خايفين يسيبوا القناة الاولى و توفيق عكاشة و تمور من غمرة – عشان ضمايرهم لسة حية فلو شافوا هايدخلوا فى صراع يتطلب فعل هم من وجهة نظرهم مش قده
اقول قولى هذا ابتغاء مرضات ربى الذى لا اخشى الا هو!!