نهال صلاح تكتب: يا رب صبرهم!

يا رب صبرهم!

باحس بتقل على قلبى بيتعبنى
لما ييجى فى بالى اهل شهيد
و اقول يا رب صبرهم …لو منهم
لفجرت نفسى فى البعيد..
الجبار العنيد
و اللى سمع بنيته
و اللى امر برتبته
و اللى قاله ربنا معاك
و اللى سكت على عملته
و اللى قاعدين متنصصين يستنكروا
حرقة قلوبنا على اللى راح
عايزين يعيشوا مكملين و يردموا على الكفن
وعلى العفن
و على السلاح
يارب صبر اهلهم و قولهم
حقهم…عندك اكيد
و اننا مهما بانلهم من ضعفنا
قوتنا فى ايماننا بيك
و مكملين … ان شاء الله مكملين
نهال صلاح

الصفحة الرسمية لـ “نهال صلاح” على الفيس بوك

https://www.facebook.com/NehSalah

كتبت يوم الإثنين بتاريخ 4 يونيو 2012